Հրաձգություն Չիկագոյում շքերթի ժամանակ, կան զոհեր և վիրավորներ
04/07/2022
Չիկագոյի մերձակայքում գտնվող Հայլենդ Պարկ քաղաքում շքերթի ժամանակ հրաձգության զոհ է դարձել վեց մարդ, հայտնում է Iz.ru-ն։
Լրատվամիջոցների տվյալներով՝ դեպքի վայրից հոսպիտալացվել է 24 վիրավոր։
Քաղաքապետարանը խորհուրդ է տվել քաղաքի բնակիչներին և հյուրերին ապաստանել անվտանգ վայրերում, քանի որ զինված անձի որոնողական աշխատանքները դեռ շարունակվում են։
Երկուշաբթի կեսօրին մամուլի ասուլիսի ժամանակ ոստիկանության սպա Քրիս Օ'Նիլն ասաց, որ կրակողը, ով դեռ ազատության մեջ է և համարվում է զինված և վտանգավոր, նկարագրվում է որպես սպիտակ տղամարդ, 18-ից 20 տարեկան, երկար սև մազերով: փոքր կազմվածք, սպիտակ կամ կապույտ շապիկ հագած: