Հակառուսական տրամադրությունները չեն բխում Հայաստանի շահերից. Դեսպան Կոպիրկին
Հայաստանում Ռուսաստանի դեսպան Սերգեյ Կոպիրկինը Sputnik Արմենիային տված հարցազրույցում ասաց, որ Հայաստանում որոշ ուժեր ու գործիչներ հակառուսական են, նույնիսկ բացահայտ ռուսաֆոբ:
«Մենք հասկանում ենք, որ կան տարբեր կարծիքներ, բայց նրանք փորձում են ամեն ինչում մեղադրել Ռուսաստանին, մի երկիր, որը այս դժվարին շրջանում եղել է և մնում է Հայաստանի և նրա ժողովրդի կողքին: Ես ուզում եմ ձեր ուշադրությունը հրավիրել մի բանի վրա՝ անկախ հռետորաբանությունից, նպատակը մեկն է՝ ստեղծել պառակտում և հարված հասցնել ռուս-հայկական հարաբերություններին: Թվում է, թե սա է հիմնական խնդիրը: Ես վստահ չեմ, որ նման դիրքորոշումը համապատասխանում է Հայաստանի իրական շահերին», - ասաց դեսպանը:
Ըստ ռուս դիվանագետի, նման տրամադրությունները ծառայում են ոչ թե հայկական, այլ արտաքին շահերին:
«Մենք գիտենք, որ այժմ իրավիճակը բարդ է: Դիմակայության մակարդակը միջազգային ասպարեզում շատ բարձր է: Հետխորհրդային տարածքի տարբեր մասերում լարվածությունն աճում է: Եվ դա փորձում են օգտագործել ինչ-որ կողմնակի, այդ թվում ՝ աշխարհաքաղաքական շահերի համար: Մենք բոլորս տեսնում և հասկանում ենք դա», - ասաց Կոպիրկինը:
Միաժամանակ, դիվանագետը համոզմունք է հայտնել, որ նման փորձերը չեն կարող անդառնալի վնաս հասցնել երկկողմ հարաբերություններին:
