ՏԵՍԱՆՅՈՒԹ. 44-օրյա պատերազմի հանգամանքներն ուսումնասիրող քննիչ հանձնաժողովի եզրակացությունը պատրաստ է. Քոչարյան
06/09/2024
44-օրյա պատերազմի հանգամանքներն ուսումնասիրող քննիչ հանձնաժողովի եզրակացությունը պատրաստ է, հանձնաժողովն ավարտել է իր աշխատանքը: Այս մասին սեպտեմբերի 5-ին Հանրային ՀԸ-ի եթերում ասաց հանձնաժողովի նախագահ Անդրանիկ Քոչարյանը։
Նա նշեց, որ հոկտեմբերին ինքը նամակով դիմելու է խորհրդարանի նախագահին՝ դռնփակ նիստ հրավիրելու համար, որի ընթացքում իրենց կներկայացվի հանձնաժողովի զեկույցը:
Քոչարյանն ընդգծեց, որ հանրությունը կկարողանա ծանոթանալ միայն այդ ելույթի հատվածներին, այլ ոչ թե զեկույցի ամբողջական տեքստին, քանի որ այն գաղտնի տեղեկատվություն է պարունակում։
