«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Ազգային ժողովի նախագահ Ալեն Սիմոնյանը հաղորդում է ներկայացրել իրավապահ մարմիններին «Իմնեմնիմի» փոդքասթում նրա հասցեին հնչած վիրավորական արտահայտությունների և սպառնալիքների վերաբերյալ։ Այս մասին հայտնել է ԱԺ խոսնակի մամուլի քարտուղարը՝ ընդգծելով, որ Սիմոնյանը պահանջում է իրավական գնահատական տալ հրապարակված բովանդակությանը։

Նրա խոսքով՝ հրապարակված խոսքերն անցնում են ազատ արտահայտվելու սահմանները և պարունակում են ձևակերպումներ, որոնք կարող են վտանգել պաշտոնյայի պատիվն ու արժանապատվությունը, ինչպես նաև անվտանգության զգացումը։ ԱԺ նախագահի գրասենյակը ակնկալում է, որ իրավապահները կմեկնարկեն համապատասխան գործընթաց՝ պարզելու և գնահատելու պատասխանատվության ենթարկվելու հիմքերն ու հանգամանքները։