Ռուսաստանի կողմից սպառնալիքի ֆոնին Լատվիայի գերատեսչությունը կառաջարկի վերադարձնել համընդհանուր զինծառայությունը երկրում
Լատվիայի պաշտպանության նախարար Արտիս Պաբրիկսը հայտնել է, որ Ռուսաստանի կողմից սպառնալիքի ֆոնին իր գերատեսչությունը կառաջարկի վերադարձնել համընդհանուր զինծառայությունը երկրում։
«Լատվիայի ներկայիս ռազմական համակարգը սպառել է իրեն: Մինչդեռ մենք հիմքեր չունենք ենթադրելու, որ Ռուսաստանը կփոխի իր վարքագիծը», - մեջբերում է AFP-ն Պաբրիկսի խոսքերը:
Լատվիան վերացրել է պարտադիր զինվորական ծառայությունը 2006թ.: Այդ ժամանակից ի վեր պրոֆեսիոնալ զինվորականները ծառայում են նրա զինված ուժերում, ինչպես նաև կամավորներ Ազգային գվարդիայում («Զեմեսսարդե»), ովքեր իրենց պարտականությունները կատարում են հանգստյան օրերին՝ իրենց հիմնական աշխատանքից ազատ ժամանակ։
Ըստ AFP-ի վկայակոչված տվյալների, այժմ Լատվիայի զինված ուժերում կա 7500 պրոֆեսիոնալ զինծառայող և Ազգային գվարդիայի անդամ։ Նրանց աջակցում են ՆԱՏՕ-ի ես 1500 զինվորներ, որոնք տեղակայված են երկրում:
Ըստ Պաբրիքսի՝ պաշտպանության նախարարության պլանների համաձայն՝ հինգ տարվա ընթացքում կներդրվի պարտադիր զինվորական ծառայություն։ Delfi կայքը պարզաբանում է, որ 2023-ից 2028 թվականներին 18-ից 27 տարեկան տղամարդիկ կարող են ինքնակամ զորակոչվել, իսկ հետո զորակոչը կդառնա պարտադիր։ Լատվիայի պաշտպանության նախարարության պլանը դեռ պետք է հաստատի երկրի սեյմը։
