Թրամփը կստորագրի Ռուսաստանի դեմ պատժամիջոցների մասին օրինագիծը. Սպիտակ տուն
18/11/2025
Թրամփը պատրաստ է ստորագրել Ռուսաստանի դեմ պատժամիջոցների մասին օրինագիծը՝ պայմանով, որ կպահպանի սահմանափակումների վերաբերյալ վերջնական որոշման իրավունքը: Այս մասին Reuters-ին հայտնել Է Սպիտակ տան բարձրաստիճան պաշտոնյան:
Հարցին, թե արդյոք Թրամփը պատրաստ է աջակցել օրինագծին, զրուցակիցը պատասխանել է.
«Նա կստորագրի այն, սակայն Սպիտակ տունը պնդելու է երաշխիքներ, որ Հանրապետականը կպահպանի պատժամիջոցների նկատմամբ վերահսկողությունը: Սպիտակ տան և նախագահի համար միշտ կարևոր է եղել, որ պատժամիջոցների փաթեթում դրույթ լինի, որը երաշխավորում է նախագահին պատժամիջոցների վերաբերյալ վերջնական որոշում կայացնելու իրավունքը: Ուստի, եթե դա ներառվի, ես կարծում եմ, որ նախագահը կքննարկի օրինագծի ստորագրման հնարավորությունը»,- ասել է պաշտոնյան:
