«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Reuters-ի տվյալներով՝ ուկրաինական հետախուզությունը փաստում է, որ Ռուսաստանը արբանյակային հետախուզության միջոցով աջակցում է Իրանին՝ հնարավոր հարվածների նախապատրաստման հարցում։ Մարտի վերջին օրերին իրականացված տասնյակ նկարահանումները ընդգրկել են Մերձավոր Արևելքի 11 երկրներում գտնվող ռազմավարական օբյեկտներ՝ ներառյալ ամերիկյան բազաներ և էներգետիկ ենթակառուցվածքներ։ 

Միաժամանակ արձանագրվել է նաև ռուս և իրանցի հաքերների համագործակցություն կիբերտարածքում։ Այս զարգացումը վկայում է, որ Մոսկվա-Թեհրան համագործակցությունը դուրս է գալիս զուտ քաղաքական մակարդակից և դառնում է գործնական-ռազմավարական։ Արբանյակային տվյալների և կիբեր գործիքների համատեղ օգտագործումը կարող է զգալիորեն բարձրացնել Իրանի հնարավորությունները՝ թե՛ պաշտպանական, թե՛ հարձակողական գործողություններում։ Սա նաև նոր մարտահրավեր է ԱՄՆ-ի և նրա դաշնակիցների համար, քանի որ տարածաշրջանում ձևավորվում է ավելի համակարգված հակակշիռ, որը կարող է երկարաժամկետ ազդեցություն ունենալ ուժերի բալանսի վրա։