Ռուսաստանում արգելել են Հայաստանից հանքային ջրի խմբաքանակի վաճառքը
«Честный знак» մակնշման պետական համակարգը կասեցրել է հայկական «Ջերմուկ» հանքային ջրի խմբաքանակի վաճառքը թե՛ օֆլայն, թե՛ առցանց խանութներում։ Ինչպես РБК-ին հայտնել է Հեռանկարային տեխնոլոգիաների զարգացման կենտրոնի (մակնշման օպերատոր) գլխավոր տնօրենի տեղակալ Ռևազ Յուսուպովը, շրջանառության մեջ եղել է 338 հազար շիշ, որոնք այժմ արգելափակված են մինչև ստուգումների ավարտը։
Շրջանառության դադարեցման առիթ է հանդիսացել «Ռոսպոտրեբնադզորի» նամակը, որտեղ գերատեսչությունը մատնանշել է «Ռուսաստանի քաղաքացիների կյանքին ու առողջությանը հնարավոր վնաս պատճառելու դեպքերը կանխելու համար անհապաղ միջոցներ ձեռնարկելու» անհրաժեշտությունը։ Որպես արգելափակման պատճառ նշվում են «պարտադիր պահանջների խախտումները»։
Արգելքի տակ է հայտնվել 2026 թվականի փետրվարի 17-ի և մարտի 5-ի արտադրության արտադրանքը։ Ինչպես նշել է Յուսուպովը, «մինչև ստուգումների ավարտը այն չի հայտնվի սպառողների ձեռքում»։
https://www.rbc.ru/rbcfreenews/69efb0299a794733e03780cf?utm_referrer=https%3A%2F%2Fwww.google.com%2F
