Իրանցի փորձագետի գնահատականները Հայաստանի շուրջ աշխարհաքաղաքական գործընթացների վերաբերյալ
Կովկասի հարցերով իրանցի փորձագետ Էհսան Մովահեդիանն անդրադարձել է Հայաստանի շուրջ ձևավորվող աշխարհաքաղաքական զարգացումներին։ Նա, հղում անելով ՀՀ վարչապետի նախկին խորհրդական Արսեն Խառատյանին, պնդում է, որ ինչպես Ջո Բայդենի, այնպես էլ Դոնալդ Թրամփի վարչակազմերը շահագրգռված էին Լեռնային Ղարաբաղից հայ բնակչության դուրսբերմամբ՝ այդպիսով նպատակ ունենալով դադարեցնել տարածաշրջանում ռուս խաղաղապահների ներկայությունը։ Մովահեդիանի մեկնաբանությամբ՝ ԱՄՆ քաղաքականության հիմնական նպատակը Հայաստանը հակառուսական և հակաիրանական հարթակի վերածելն է, այլ ոչ թե հայկական շահերի պաշտպանությունը։
Փորձագետը հավելել է, որ, իր գնահատմամբ, Ղարաբաղից տեղահանված բնակիչները պետք է գիտակցեն, թե ում քաղաքական որոշումների հետևանքն են իրենց կորուստները։ Նա պնդում է, որ Հայաստանը վերածվել է Արևմուտքի ազդեցության տարածքի և իրականացրել է քայլեր, որոնք վնասել են սեփական պետական շահերին։ Միևնույն ժամանակ, Մովահեդիանը նշում է, որ իր դիտարկմամբ ԱՄՆ նպատակները դեռ ամբողջությամբ չեն իրագործվել, քանի որ ռուսական ռազմաբազան շարունակում է գործել, Սյունիքը չի անցել Բաքվի վերահսկողության տակ, և Հայաստանը պահպանել է իր պետականությունը՝ ենթադրելով, որ արտաքին դերակատարները կարող են ձգտել շարունակել ազդեցության ընդլայնումը նաև ապագայում։
_1774934462.jpg "Տրանսպորտային ապաշրջափակումը որպես քաղաքական գործիք՝ համագործակցությո՞ւն, թե՞ ճնշման մեխանիզմ")
