Սյունիքում բնակիչներից մեկը Գեղի գետի ափին շուրջ 6000 քմ տարածքում իրականացրել է ապօրինի շինարարություն
04/08/2021
Ոստիկանության Կապանի բաժնի ծառայողները հուլիսի 28-ին իրականացրած շրջայցի ժամանակ պարզել են, որ Քաջարան համայնքի Գեղի բնակավայրում տեղի բնակիչներից մեկը, առանց համապատասխան փաստաթղթավորման և չունենալով թույլտվություն, Գեղի գետի ափին շուրջ վեց հազար քառակուսի մետր տարածքում իրականացրել է շինարարական աշխատանքներ:
Ոստիկանությունից հայտնում են, որ իրավապահները նաև ճշտել են, որ համայնքային իրավասու պաշտոնատար անձինք որևէ միջոց չեն ձեռնարկել` ապօրինի շինարարությունը կասեցնելու ուղղությամբ:
Ձեռնարկվում են միջոցառումներ՝ հողահատկացման օրինականությունը ստուգելու ուղղությամբ:
Նախապատրաստվում են նյութեր:
_1664292936.png "Հյուսիսային Օսիայում՝ Վրաստանի հետ սահմանին, հնարավոր է արտակարգ ռեժիմ մտցվի")
