Անտառային հրդեհներ Ադրբեջանում
04/08/2021
Ադրբեջանում անտառային հրդեհներ են: Անտառային հրդեհի նոր օջախ է հայտնաբերվել հարավարևելյան Լենքորանի շրջանի Օսակյուչ անտառտնտեսության տարածքում: Այս մասին հայտարարություն է տարածել Ադրբեջանի էկոլոգիայի և բնական ռեսուրսների նախարարությունը:
Հաղորդվում է, որ առայժմ չի հաջողվել տեղայնացնել նաև Յարդիմլիի շրջանում օգոստոսի 2-ին բռնկված հրդեհը:
Հրդեհաշիջման աշխատանքներին ներգրավված են մեծ թվով ուժեր, այդ թվում՝ 130 հրշեջ, արտակարգ իրավիճակների ծառայության ստորաբաժանումներ, տեղի բնակիչներ և մեկ ուղղաթիռ: