«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ


Նկար

Թուրքիան աշխարհում 8-րդն է կորոնավիրուսի դեմ պատվաստումների թվով

03/08/2021

Թուրքիայի առողջապահության նախարարության հրապարակած տվյալների համաձայն՝ այդ երկրում մինչ օրս ընդհանուր առմամբ կորոնավիրուսի համավարակի դեմ 73 մլն 616․084 չափաբաժին պատվաստում է կատարվել։ Այդ ցուցանիշով Թուրքիան աշխարհում 8-րդ տեղում է։
“Ourworldindata.org” կայքի տվյալների համաձայն՝ Չինաստանում պատվաստումների քանակը հասել է 1 մլրդ 670 միլիոնի, ինչը այս երկիրը դարձրել է բացարձակ առաջատար աշխարհում։ 
Հնդկաստանում կատարվել է 472 մլն 220․000 պատվաստում, ԱՄՆ-ում՝ 346 մլն 460․000, Բրազիլիայում՝ 142 մլն 490․000 և Գերմանիայում 92 մլն 50․000 պատվաստում։ Պատվաստումների թվով առաջատար երկրների շարքում տեղ են գտել նաև Ճապոնիան, Անգլիան, Ֆրանսիան, Իտալիան, Ինդոնեզիան, Մեքսիկան, Ռուսաստանն ու Իսպանիան։
Ընդհանուր առմամբ մինչ օրս աշխարհում կորոնավիրուսի համավարակի դեմ 4 մլրդ 180 մլն չափաբաժին պատվաստում է կատարվել։ Հավելենք նաև, որ աշխարհում կորոնավիրուսով վարակվածության ընդհանուր դեպքերի թիվը կազմում  է 199 մլն 70․000, որոնցից ավելի քան 4 մլն 241․000-ը մահացել է։
Աղբյուր`    Ermenihaber.am