Ցանկացած երկրի բազա, որն օգտագործվում է Իրանի վրա հարձակվելու համար, կդառնա Իրանի թիրախը. Գլխավոր շտաբի պետ Բաղերին
Իրանի զինված ուժերի գլխավոր շտաբի պետ Մոհամմադ Բաղերին Ադրբեջանին մեղադրել է իսլամական աշխարհին դավաճանելու մեջ։ Այս մասին Զինված ուժերի հրամանատարը հայտարարել է բանակի ռազմաօդային ուժերի առաջին ստորգետնյա «Օգաբ-44» բազայի բացման արարողությանը, հայտնում է ISNA-ն:
«Սիոնիստական ռեժիմը հեռու է մեր երկրից, և նրանց ուղղաթիռները պետք է օդում վերալիցքավորվեն, սա լավագույն հնարավորությունն է՝ թիրախավորելու այդ ինքնաթիռները։ Փորձում են օգտվել նաեւ մեր հարեւան երկրների բազաներից։ Այս երկրները բռնել են իսլամական աշխարհին դավաճանելու ճանապարհը՝ հարաբերություններ հաստատելով Սիոնիստական ռեժիմի հետ՝ չիմանալով, որ այդ հարցը ներառված է Իրանի ռազմավարության մեջ»,- ասել է Բաղերին՝ նկատի ունենալով Ադրբեջանին, որն իր օդանավակայաններն է տրամադրել Իսրայելին։
Նա ընդգծել է, որ Իրանի ռազմական դոկտրինը ենթադրում է, որ եթե աշխարհի որևէ երկրի ռազմաբազան օգտագործվի Իրանի վրա հարձակվելու համար, ապա այդ բազաները նույնպես կենթարկվեն զանգվածային հարվածի։
