«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ


Նկար

Կաթնաղբյուրի բնակիչները դեմ են իրենց բնակավայրում որևէ հանքարդյունաբերական գործընթացի․ Դուլգարյան

20/01/2022

Կաթնաղբյուրի բնակիչները դեմ են իրենց բնակավայրում որևէ հանքարդյունաբերական գործընթացի: Այս մասին, Facebook-ի իր էջում գրել է «Համայնքային համախմբման և աջակցության կենտրոն» ՀԿ նախագահ Օլեգ Դուլգարյանը:

Նա, մասնավորապես, նշել է. «Այսօր հունվարի 20-ին, ժամը՝ 12:00-ին Ստեփանավան համայնքի Կաթնաղբյուր գյուղում կայացան  «Ավ Մայնինգ» ՍՊԸ-ի կողմից Լոռու մարզի Արջիձորի հանքային դաշտի Սնկաձորի գունագեղ քարերի և ոսկու հանքերևակումների սահմաններում երկրաբանական ուսումնասիրության աշխատանքների շրջակա միջավայրի վրա ազդեցության նախնական գնահատման, ոսկու հանքարդյունահանման համար երկրաբանական ուսումնասիրություններ իրականացնելու հանրային լսումները, որի ժամանակ մասնակիցների հիմնական մասը դեմ արտահայտվեց նախագծին և կազմեցին բացասական  կարծիք՝ ՇՄ նախարարություն ներկայացնելու համար։

Գուղացիները պատրաստվում են գյուղում ստորագրահավաք իրականացնել ընդդեմ նախագծի»։

Նշենք, որ այսօր Լոռու մարզի Ստեփանավան համայնքի Կաթնաղբյուր բնակավայրում տեղի ունեցան հանրային լսումներ՝ «Ավ Մայնինգ» ՍՊԸ-ի կողմից Լոռու մարզի Արջիձորի հանքային դաշտի Սնկաձորի գունագեղ քարերի և ոսկու հանքերևակումների սահմաններում երկրաբանական ուսումնասիրության աշխատանքների շրջակա միջավայրի վրա ազդեցության նախնական գնահատման ոսկու հանքարդյունահանման համար երկրաբանական ուսումնասիրություններ իրականացնելու նպատակով։