Պուտինը խոսել է Իսրայելի վարչապետի հետ Լավրովի խոսքերից հետո
Այսօր հեռախոսազրույց է տեղի ունեցել ՌԴ նախագահ Վլադիմիր Պուտինի և Իսրայելի վարչապետի միջև։ Կրեմլի մամուլի ծառայությունը հայտնել է, որ ՌԴ նախագահը շնորհավորել է վարչապետին Իսրայել պետության անկախության օրվա առթիվ։
Երկուստեք շահագրգռվածություն է արտահայտվել ռուս-իսրայելական բարեկամական հարաբերությունների հետագա զարգացման և երկու երկրների ղեկավարության միջև օգտակար շփումների պահպանման ուղղությամբ։
Բացի այդ, Ռուսաստանի Դաշնության նախագահը Իսրայելի վարչապետի հետ հեռախոսազրույցում շարունակել է մտքերի հանգամանալից փոխանակումը Ուկրաինայում տիրող իրավիճակի վերաբերյալ, հայտնել են Կրեմլի մամուլի ծառայությունից։
«Առանձնահատուկ ուշադրություն է դարձվել հումանիտար ասպեկտներին, ներառյալ խաղաղ բնակչության տարհանումը Ազովստալ գործարանի տարածքից՝ ՄԱԿ-ի և Կարմիր խաչի միջազգային կոմիտեի ներկայացուցիչների հետ համագործակցությամբ»,- ասվում է զեկույցում։
Կրեմլը հավելել է, որ «ռուս զինվորականները պատրաստ են ապահովել խաղաղ բնակչության անվտանգ ելքը»։ «Ինչ վերաբերում է Ազովստալում մնացած զինյալներին, ապա Կիևի իշխանությունները պետք է նրանց զենքերը վայր դնելու հրաման տան»,- ընդգծել է Կրեմլի մամուլի ծառայությունը։
