Դուշանբեում մեկնարկել է ՀԱՊԿ անդամ պետությունների ղեկավարների նիստը
16/09/2021
Դուշանբեում մեկնարկել է ՀԱՊԿ անդամ պետությունների ղեկավարների նիստը, հայտնում է РИА Новости-ն։
ՀԱՊԿ-ում Տաջիկստանի նախագահությունը համընկել է արտակարգ մարտահրավերների և սպառնալիքների շրջանի հետ, որոնց բախվել է հավաքական անվտանգության տարածաշրջանը։ Այս մասին հայտարարել է Տաջիկստանի նախագահ Էմոմալի Ռահմոնը՝ նիստի բացմանը ելույթ ունենալիս։
Այդուհանդերձ, Ռահմոնի խոսքով՝ հաջողվել է ապահովել քաղաքական փոխգործակցության բարձր մակարդակ, արտաքին քաղաքական դիրքորոշումների համակարգում։ «Մենք կշարունակենք միջազգային և տարածաշրջանային օրակարգի ակտուալ հարցերով հայտարարությունների ընդունումը»,-ասել է նա։
Նշենք, որ ՌԴ նախագահ Վլադիմիր Պուտինը ՀԱՊԿ գագաթնաժողովին մասնակցում է տեսակապով։
