Հայաստանում հայտարարված արտակարգ դրությամբ պայմանավորված՝ անհրաժեշտություն է առաջացել փոխելու բուհերի ընդունելության կարգը. Արայիկ Հարությունյան
<p>Ազգային ժողովն առաջին ընթերցմամբ ընդունելու համար քննարկեց «Կրթության մասին» օրենքում լրացում կատարելու մասին օրենքի նախագիծը:</p> <p><a href="https://www.armenpress.am/"><strong>«</strong><strong>Արմենպրես</strong></a><strong><a href="https://www.armenpress.am/">»</a>-</strong>ի փոխանցմամբ՝ կառավարության հեղինակած օրինագծով առաջարկվում է հնարավորություն ընձեռել Կառավարությանը` արտակարգ դրության պայմաններում փոփոխություններ և լրացումներ կատարել բարձրագույն ուսումնական հաստատությունների տվյալ տարվա մասնագիտությունների և ընդունելության քննությունների ցանկում, հաստատել նաև նոր ցանկ:</p> <p>«Հայաստանում հայտարարված արտակարգ դրությամբ պայմանավորված՝ անհրաժեշտություն է առաջացել փոխելու բուհերի ընդունելության կարգը: Կառավարության հաստատած նոր կարգով ընդունելությունն իրականացվելու է մեկ քննության արդյունքների հիման վրա, դիմում-հայտերի առցանց ընդունման եղանակով, հայտերի լրացման նոր տարբերակով: Ընդունելության նոր պայմանների սահմանմամբ, համապատասխանաբար, պահանջ է առաջանում նաև փոփոխել արդեն հաստատված մասնագիտությունների և ընդունելության քննությունների ցանկը»,- ասաց <strong>հարցի հիմնական զեկուցող, Կրթության, գիտության, մշակույթի սպորտի նախարար Արայիկ Հարությունյանը:</strong></p> <p>Նախարարական սոցիալական կոմիտեի 2020 թվականի մայիսի 19-ի նիստում եւս քննարկվել է օրենքում համապատասխան փոփոխություններ կատարելու անհրաժեշտության հարցը:</p> <p> </p> <p>Աղբյուրը` Armenpress, Նորայր Շողիկյան</p> <p>Կայքի խմբագիր` Աննա Հակոբյան, Generalnews.am</p>