Հացավան գյուղի վերջնամասում այրվել է մոտ 15 հա բուսածածկույթ
21/06/2021
Կոտայքի մարզային ճգնաժամային կառավարման կենտրոնը հունիսի 21-ին, ժամը 11:01-ին ահազանգ է ստացել, որ Գեղադիր-Գառնի ավտոճանապարհին այրվում է խոտածածկ տարածք։
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատներից երկու մարտական հաշվարկ և օպերատիվ խումբը։
Ըստ աղբյուրի՝ հրշեջ-փրկարարները հրդեհը մեկուսացրել են ժամը 13:09-ին, մարել՝ 13:24-ին: Հացավան գյուղի վերջնամասում այրվել է մոտ 15 հա բուսածածկույթ:
_1664292936.png "Հյուսիսային Օսիայում՝ Վրաստանի հետ սահմանին, հնարավոր է արտակարգ ռեժիմ մտցվի")
