«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Թուրքիայի արտգործնախարարությունը պատասխանել է Ֆրանսիայի արտգործնախարարության` Լիբիայի ներքին գործերին միջամտելու համար Թուրքիային ուղղված մեղադրանքներին՝ հայտարարելով, որ Ֆրանսիան մութ գործերով է զբաղված Լիբիայում: Այս մասին տեղեկացնում է &laquo;Անադոլու&raquo; գործակալությունը:</p> <p>&laquo;Ֆրանսիայի ԱԳՆ պատասխանը Փարիզ այցելած Հունաստանի արտգործնախարար Նիկոս Դենդիասի հարցին մեր երկրի` Լիբիայի նկատմամբ վերաբերմունքի մասին&nbsp; Լիբիայում Ֆրանսիայի մռայլ և անբացատրելի քաղաքականության արտացոլումն է: Ֆրանսիան Լիբիայում մութ գործերով է զբաղված: Ֆրանսիայի այդպիսի մոտեցումը Լիբիայի ազգային բանակի հրամանատար Խալիֆա Հաֆթարին ոգևորեց ռազմական քայլերի դիմելու և մեծացնելու լիբիացի ժողովրդի տառապանքը: Լիբիայում խաղաղություն հաստատելու ճանապարհին ամենամեծ խոչընդոտը ՄԱԿ-ի Անվտանգության խորհրդին դեմ գնալով ապօրինի կառույցներին աջակցելն է&raquo;,-ասված է նախարարության հայտարարության մեջ:</p> <p>2011-ին Լիբիայի առաջնորդ Մուամմար Կադդաֆիի տապալումից և սպանությունից հետո երկիրը գործնականում դադարել է գործել որպես միասնական պետություն: Ներկա պահին երկրում երկիշխանություն է: Արևելքում իշխում է ժողովրդի կողմից ընտրված խորհրդարանը, իսկ արևմուտքում և մայրաքաղաք Տրիպոլիում՝ ՄԱԿ-ի և ԵՄ-ի աջակցությամբ կազմավորված Ազգային համաձայնության կառավարությունը: Երկրի արևելյան հատվածի իշխանությունները գործում են Տրիպոլիից անկախ և համագործակցում են Հաֆթարի բանակի հետ:</p> <p>&nbsp;</p> <p>Աղբյուրը՝ Tert.am</p> <p>Կայքը՝ Generalnews.am</p>