«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Facebook-ի գլխավոր տնօրեն Մարկ Ցուկերբերգը երեքշաբթի հայտարարել է, որ սոցիալական ցանցը թույլ կտա իր օգտատերերին անջատել քաղաքական գովազդները:</p> <p>&laquo;Բոլորը ցանկանում են, որ քաղաքական գործիչները պատասխանատվություն կրեն իրենց խոսքերի համար, և ես գիտեմ, որ շատ մարդիկ ցանկանում են, որ մենք հեռացնենք նրանց որոշ գրառումներ&raquo;,-գրել է Ցուկերբերգը&nbsp;<a href="https://www.usatoday.com/story/opinion/2020/06/17/facebook-voter-campaign-strengthen-democracy-mark-zuckerberg-column/3191152001/" rel="nofollow" target="_blank">USA Today</a>-ում հրապարակված հոդվածում:</p> <p>&laquo;Նրանց համար, ովքեր արդեն որոշում են կայացրել և պարզապես ցանկանում են, որ ընտրություններն ավարտվեն, մենք լսել ենք ձեր հորդորը, ուստի հնարավորություն ենք տալիս անջատել քաղաքական գովազդները։ Մենք, միևնույն է, ձեզ կհիշեցնենք քվեարկել&raquo;,- գրել է նա։Որոշ օգտատերեր&nbsp;հիշյալ գործառույթից կկարողանան օգտվել այսօրվանից, իսկ&nbsp;բոլոր օգտատերերի համար այն հասանելի կդառնա առաջիկա մի քանի շաբաթվա ընթացքում, հայտնել է ընկերության ղեկավարը։</p> <p>Օգտատերերը կարող են անջատել քաղաքական, սոցիալական և ընտրական բովանդակության գովազդները, որոնց վրա նշում կա առ այն, որ գովազդը &laquo;վճարված է&raquo;&nbsp;ինչ-որ&nbsp;կազմակերպության, քաղաքական գործչի կամ այլ ընկերությունների կողմից։</p> <p>Ցուկերբերգը նաև հայտարարել է, որ Facebook-ը կշարունակի աշխատել իր հարթակում օտարերկրյա միջամտության դեմ՝ հետևելով և ոչնչացնելով &laquo;վնասակար օգտահաշիվները&raquo;։</p> <p>Ընկերությունը միայն 2018 թվականին&nbsp;հեռացրել է 3,3 միլիարդ կեղծ օգտահաշիվ, իսկ անցյալ տարի՝ 5,4 միլիարդ օգտահաշիվ։</p> <p>Ավելի վաղ Ցուկերբերգը բացատրել էր, թե ինչու իր ընկերությունը քայլեր չի ձեռնարկում ԱՄՆ նախագահ Դոնալդ Թրամփի գրառման նկատմամբ, որում վերջինս սպառնում է Մինեսոտայում &laquo;կրակոցներով&raquo; հանդարտեցնել ցույցերը։</p> <p>&laquo;Մենք շատ ուշադիր ուսումնասիրել ենք այդ գրառումը, որպեսզի գնահատենք՝ արդյոք այն խախտո՞ւմ է մեր քաղաքականությունը։ Չնայած նրան, որ գրառումը պարունակում էր տագնապի ազդանշան, մենք որոշեցինք թողնել այն, քանի որ երբ հղում է արվում Ազգային գվարդիային, նշանակում է, որ մենք ընթերցում ենք պետությունում սպասվող գործողությունների մասին, և մենք կարծում ենք՝ մարդիկ պետք է տեղեկացված լինեն, երբ կառավարությունը նախատեսում է ուժ կիրառել&raquo;,- ասել էր&nbsp;նա։</p> <p>&nbsp;</p> <p>Աղբյուրը`Tert.am</p> <p>Կայքը` Generalnews.am</p>