«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>ԱՄՆ-ն Ադրբեջանին զորավարժությունների անցկացման դեպքում ավելի մեծ թափանցիկության կոչ է անում՝ լրացուցիչ տեղեկություններ ներկայացնելով դրանց չափերի եւ նշանակության մասին: Այս մասին նշված է ԱՄՆ Կոնգրեսում ներկայացված Պետքարտուղարության սպառազինությունների վերահսկման ոլորտում համաձայնագրերին եւ պարտավորություններին հետեւելու մասին զեկույցում, հայտնում է Turan-ը:</p> <p>Պետքարտուղարության զեկույցի համաձայն՝ անցյալ տարվա աշնանը Վաշինգտոնը Բաքվին էր փոխանցել իր մտահոգությունը &laquo;խոշորամասշտաբ զորավարժությունների թափանցիկության բացակայության&raquo; առիթով:</p> <p>&laquo;Վիեննայի փաստաթղթի № 9/12 որոշմանը համապատասխան անդամ պետությունները պետք է ամեն տարի իրազեկեն ծայրահեղ դեպքում մեկ խոշոր զորավարժության մասին:</p> <p>Ադրբեջանը զորվարժություններ է անցկացնում, բայց չի իրազեկում տարվա մեջ առնվազն մեկ խոշոր զորավարժության մասին&raquo;,- նշված է զեկույցում:</p> <p>Ադրբեջանի պաշտպանության նախարարության կայքի եւ ադրբեջանական լրատվամիջոցների տեղեկություններով՝ երկրում 2019 թվականի մարտի 11-15-ը անցկացվել են խոշորամասշտաբ զորավարժություններ, որոնց մասնակցել են մինչեւ 10 հազար մարդ, մինչեւ 500 տանկ, զրահատեխնիկա եւ այլ տրանսպորտային միջոցներ, մինչեւ 300 հրթիռահրետանային համակարգեր եւ 20 ռազմական օդանավեր:</p> <p>Դրանից բացի, Ադրբեջանում 2019 թվականի սեպտեմբերի 16-20-ը անցկացվել են հերթական խոշորամասշտաբ զորավարժությունները մինչեւ 10 հազար մարդու, ավելի քան 100 տանկերի եւ զրահամեքենաների, 120 հրթիռահրետանային համակարգերի եւ 20 ռազմական օդանավերի ու դրոնների մասնակցությամբ:</p> <p>Երկրի ՊՆ կայքը եւ տեղական մամուլը հայտնել են նաեւ, որ երկրում անցկացվել են Թուրքիայի ԶՈՒ հետ համատեղ &laquo;Անխախտելի եղբայրություն-2019&raquo; զորավարժությունները 2019 թվականի հունիսի 7-11-ը Նախիջեւանում՝ 5 հազար զինծառայողների, 200 տանկերի եւ այլ զրահատեխնիկայի, մինչեւ 180 ականանետի եւ հրթիռահրետանային համակարգերի, 21 ռազմական օդանավերի ու ուղղաթիռների մասնակցությամբ:</p> <p>&nbsp;</p> <p>Աղբյուրը`&nbsp; News.am</p> <p>Կայքի խմբագիր` Աննա Հակոբյան, Generalnews.am</p>