Թաթարստանում թեթև շարժիչով ինքնաթիռ է կործանվել
10/10/2021
Թաթարստանի Մենզելինսկի շրջանում L-410 ինքնաթիռ է ընկել, ՏԱՍՍ-ին հայտնել են արտակարգ իրավիճակների ծառայությունները:
«Մոսկվայի ժամանակով 09: 11-ի սահմաններում Մենզելինսկում ավիաակումբին պատկանող թեթև շարժիչով L-410 ինքնաթիռ է կործանվել»,- նշել է աղբյուրը:
ԱԻՆ մարզային գլխավոր վարչությունը հաստատել է ինքնաթիռի կործանման փաստը: Ընդհանուր առմամբ, ինքնաթիռում եղել է 23 մարդ, որից 21 -ը ՝ պարաշյուտիստներ են:
Աղբյուրի տեղեկացմամբ 19 մարդ է զոհվել, երեքը վիրավորվել: Ավելի ուշ պարզ է դարձել , որ ևս չորս մարդ ողջ է դուրս բերվել ինքնաթիռից:
Աղբյուրը հավելում է նաև, որ ինքնաթիռը կործանվել է տեղի թռչող ակումբի օդանավակայանից թռիչքից անմիջապես հետո: Օդանավը շահագործվում է 1987 թվականից: