«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>ՀՅԴ Հայ դատի կենտրոնական խորհուրդը հանդես է եկել հայտարարությամբ, անդրադառնալով վերջին շրջանում Թուրքիայի գործողություններին:</p> <p>Հայտարարությունում ասվում է. &laquo;Վերջին շաբաթներին աշխարհասփյուռ հայությունը ականատես է Թուրքիայի կողմից հայության դեմ դրսեւորված ատելությամբ լի հրահրումների եւ թշնամական գործողությունների՝ Թուրքիայում, Հարավային Կովկասում եւ ողջ աշխարհում:</p> <p>Այս սադրանքներից առավել ուշագրավները տեղի ունեցան Լիբանանում, արձանագրվեցին հրահրումներ ու բողոքի ցույցեր, որոնք կազմակերպվել էին Անկարայի եւ, հայ ազգի դեմ ցեղասպանական մտադրությունների հարցում նրա հետ դաշնակցած, առանձին շրջանակների կողմից: Այս թշնամանքի մասին ուշագրավ ձեւով ծանուցվեցին նաեւ Էրդողանի կառավարության հրապարակային հայտարարություններով, երբ դիտել տրվեց, որ Թուրքիայի Բարձրագույն խորհրդատվական խորհուրդը հինգ ժամ տեւած նիստ է հատկացրել Հայոց ցեղասպանության ճշմարտացի, արդար եւ համապարփակ միջազգային լուծման ուղղությամբ &laquo;Հայկական լոբբիի&raquo; առաջխաղացմանը խոչընդոտելու հարցին:</p> <p>Հարավային Կովկասում Թուրքիան դարձել է ավելի ռազմատենչ՝ հետեւողականորեն մեծացնելով լարվածությունը, ձգտելով ահաբեկել Հայաստանին ու Արցախին, ուղղակիորեն ու անուղղակիորեն ավելի մեծ աջակցություն ցուցաբերելով Ադրբեջանի ագրեսիային եւ առավել ռազմականացնելով պատմական հայկական Նախիջեւանը:</p> <p>Ընդհանուր առմամբ, Թուրքիան ընդարձակել է իր ապակայունացնող գործողությունները ամբողջ Միջին Արեւելքում եւ Հյուսիսային Աֆիկայում:</p> <p>Վերջին երեք տասնամյակներին իրավիճակն այնպիսին է, որ Անկարայի յուրաքանչյուր հակահայ&nbsp; սրացմանը Բաքուն արձագանքում է համապատասխան կերպով՝ ագրեսիվ քաղաքականությամբ, սահմանային գրոհներով, զինադադարի խախտումներով, մարդկային իրավունքների ոտնահարմամբ, պատմական կեղծիքներով ու ատելության հրահրումներով, որոնք վերջին շաբաթներին դատապարտվեցին Մարդու իրավունքների Եվրոպական դատարանի կողմից։</p> <p>ՀՅԴ Հայ դատի կենտրոնական խորհուրդը, համագործակցաբար աշխարհասփյուռ իր ցանցի եւ համախոհ գործընկերների հետ, շարունակում է ուշադրությամբ հետեւել այս սադրանքներին եւ անկասելի մնալ իր հիմնական առաքելության իրականացման մեջ՝ Հայաստանի եւ Արցախի հանրապետությունների անվտանգության ապահովում, աշխարհասփյուռ հայության շահերի պաշտպանություն եւ ազատ, անկախ ու միացյալ Հայաստանի իրականացման հետապնդում։</p> <p>&nbsp;</p> <p>Աղբյուրը` News.am</p> <p>Կայքի խմբագիր` Աննա Հակոբյան, Generalnews.am</p>