«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Սահմանադրական դատարանի անդամներ Ալվինա Գյուլումյանը և Ֆելիքս Թոխյանն այս պահին չեն շտապում կարծիք հայտնել իրենց լիազորությունների դադարեցման օրենքի վերաբերյալ:&nbsp;<a href="http://www.armenpress.am/">&laquo;Արմենպրես&raquo;</a>-ի փոխանցմամբ՝ Թոխյանը լրագրողների հետ զրույցում նշեց, որ ինքը չի կարող կարծիք հայտնել այն հարցի վերաբերյալ, որը կարող է հետագայում քննարկման առարկա դառնալ Սահմանադրական դատարանում:</p> <p>&laquo;Այն խնդիրը, որը կարող է գալ Սահմանադրական դատարան, ՍԴ-ի անդամները չեն կարող այդ հարցով կարծիք հայտնել&raquo;,- ասաց Թոխյանը:</p> <p>Սահմանադրական դատարանի անդամ Ալվինա Գյուլումյանը վստահ է, որ Ազգային ժողովի կողմից հունիսի 22-ին ընդունված Սահմանադրության փոփոխությունն իրեն չի վերաբերում, քանի որ ինքը 12 տարի պաշտոնավարում է ոչ թե շարունակական, այլ ընդհատումներով: Գյուլումյանը ՍԴ անդամի պաշտոնը զբաղեցնում է 2014 թվականից, մինչ այդ նա ՍԴ անդամ է եղել 1996-2003թթ.:</p> <p>&laquo;Այդ փոփոխությունն ինձ վերաբերվել չի կարող, որովհետև ես պաշտոնավարում եմ 2014 թվականի օգոստոսից: Այդ օրենքի համապատասխան՝ ինձ վրա այդ նորմը չի տարածվում: Չի բացառվում, որ որևէ մեկը կդիմի ՍԴ, չեմ ցանկանում ինձ կաշկանդել այդ հարցի քննարկմանը մասնակցելուց&raquo;,- նշեց Գյուլումյանը:</p> <p>Սահմանադրական դատարանի նախագահ Հրայր Թովմասյանը, որն այս փոփոխությամբ դադարելու է պաշտոնավել և շարունակելու է պաշտոնավարել, որպես ՍԴ անդամ, լրագրողների հետ զրույցում նշեց, որ ՀՀ գործող Սահմանադրությամբ՝ Սահմանադրական փոփոխությունները ենթակա են նախնական Սահմանադրական վերահսկողության, իսկ Սահմանադրական դատարանն այդպիսի նախագիծ չի քննարկել:</p> <p><i>Հունիսի 22-ին Ազգային ժողովն ընդունեց &laquo;Իմ քայլը&raquo; խմբակցության մի խումբ պատգավորների կողմից ներկայացված Սահմանադրական փոփոխությունների նախագիծը, որով առաջարկվում էր փոխարինել Սահմանադրական դատարանի նախագահին և ընդհանուր տևողությամբ ոչ պակաս, քան 12 տարի պաշտոնավարած Սահմանադրական դատարանի անդամներին: Խորհրդարանի նիստին մասնակցեց միայն &laquo;Իմ քայլը&raquo; խմբակցությունը:&nbsp;</i></p> <p><i>Օրինագծի ընդունմամբ կդադարեցվեն ՍԴ դատավորներ Ալվինա Գյուլումյանի, Ֆելիքս Թոխյանի և Հրանտ Նազարյանի պաշտոնավարումը, իսկ ՍԴ ներկայիս նախագահ Հրայր Թովմասյանը կշարունակի պաշտոնավարել՝ որպես ՍԴ անդամ:&nbsp;</i></p> <p><i>Ազգային ժողովը որոշեց Սահմանադրության փոփոխությանը վերբերող հարցով չդիմել Սահմանադրական դատարան: Սահմանադրության փոփոխություններն ուժի մեջ կմտնեն պաշտոնական հրապարակմանը հաջորդող օրվանից:&nbsp;</i></p> <p><i>Վենետիկի հանձնաժողովը դրական կարծիք է ներկայացրել ՍԴ-ի վերաբերյալ իշխանությունների հարցադրումներին:&nbsp;</i></p> <p><i>Ավելի վաղ նախաձեռնվել էր Սահմանադրության փոփոխությունների հանրաքվե, որով առաջարկվում էր դադարեցնել Սահմանադրական դատարանի նախագահ Հրայր Թովմասյանի և դատարանի 6 անդամների պաշտոնավարումը: Սահմանադրության փոփոխությունների հանրաքվեն նախատեսված էր ապրիլի 5-ին, սակայն չկայացավ արտակարգ դրության հայտարարման պատճառով, այնուհետև չեղարկվեց:</i></p> <p>&nbsp;</p> <p>Աղբյուրը՝ Armenpress,&nbsp;<b>Նորայր Շողիկյան</b></p> <p>Կայքի խմբագիր` Աննա Հակոբյան, Generalnews.am</p>