«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>&laquo;Հաշվի առնելով, որ արդեն հստակեցվել է կառավարության կառուցվածքը եւ կազմավորվել կառավարությունը, Արցախի Հանրապետության նախագահ Արայիկ Հարությունյանն անդրադառնալով Արցախի&nbsp; Սահմանադրության պահանջներին, նշել է, թե &laquo;ժամանակն է պատրաստելու եւ քսանօրյա ժամկետում հրապարակելու երկրի նախագահի ծրագիրը&raquo;: Նա բոլոր լիազոր մարմիններին հանձնարարել է մշակել նախագահի ծրագիրը՝ հիմնվելով իր նախընտրական ծրագրի եւ &laquo;Ազատ հայրենիք-ՔՄԴ&raquo; դաշինքի ու &laquo;Միասնական հայրենիք&raquo; կուսակցության միջեւ կնքված հուշագրի վրա:</p> <p>Նախագահի համոզմամբ, պաշտոնավարումը ծառայություն է ժողովրդին եւ&nbsp; յուրաքանչյուր պաշտոնյա պետք է գիտակցի, որ ինքը ծառայում է ժողովրդին ու հայրենիքին, ուստի, յուրաքանչյուրի վարքը պետք է համապատասխանի ծառայության էությանն ու նպատակին. &laquo;Ոչ մի պաշտոնատար անձ չպետք է իրեն տեր զգա քաղաքացիների հետ շփումներում, մենք բոլորս ծառաներ ենք... Սա ամենագլխավոր ու անկյունաքարային սկզբունքն է&raquo;: Առկա մարտահրավերների պայմաններում գերակա խնդիրը եղել եւ մնում է հայրենիքի պաշտպանունակության շարունակական ամրապնդումը, զինված ուժերի մարտունակության եւ ողջ հասարակության ռազմավարական դիմադրողականության մակարդակի հետեւողական բարձրացումը: Ա. Հարությունյանն այդ իրողություններից ելնելով շեշտել է. &laquo;Մենք խաղաղասեր ժողովուրդ ենք եւ կողմնակից ենք ադրբեջանա-ղարաբաղյան հակամարտության բացառապես խաղաղ ճանապարհով կարգավորմանը՝ երկխոսության միջոցով, բանակցությունների սեղանի շուրջ: Սակայն, ունենալով նման հակառակորդ, մենք պետք է միշտ պատրաստ լինենք պատերազմի, որը ամենաարդյունավետ ուղին է դեպի խաղաղություն: Դա նշանակում է, որ յուրաքանչյուր պաշտոնյա եւ յուրաքանչյուր քաղաքացի պարտավոր է ոչինչ չխնայել հայրենիքի անվտանգության ապահովման գերնպատակին հասնելու համար, եւ զինված ուժերի կարիքները պետք է բոլորիս առաջնային հոգածության ներքո լինեն&raquo;&raquo;:</p> <p>&nbsp;</p> <p>&nbsp;</p> <p>Նյութը` Armenpress</p>