«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Սպիտակուցները մարդու օրգանիզմի համար շատ կարևոր տարրեր են և բալանսավորված սննդակարգի հիմնական բաղադրիչներից մեկը։ Այս տարրերը սովորաբար ասոցացվում են կենդանական ծագման մթերքի և մսի հետ, որոնք ոչ բոլորն են օգտագործում, սակայն կան նաև սպիտակուցների բարձր պարունակությամբ բուսական մթերքի տեսակներ, որոնք իրենց օգտակարությամբ չեն զիջում կենդանական ծագման մթերքին, սակայն շատ հաճախ թերագնահատվում են։</p> <p>Ձեր ուշադրությանն ենք ներկայացնում երեք բուսական մթերք, որոնք կարելի է կիրառել մսի և կենդանական ծագման այլ մթերքի փոխարեն օրգանիզմին անհրաժեշտ սպիտակուցները ստանալու համար։</p> <p><strong>Ոսպ</strong></p> <p>Ոսպը հնդկական խոհանոցի հիմնական բաղադրիչներից մեկն է։ Այս օգտակար մթերքը հարուստ է երկաթով, կալցիումով, մանրաթելերով ու սրտամկանի համար շատ կարևոր պոլիֆենոլներով։ Բացի այդ, այն պարունակում է նաև բավական մեծ քանակությամբ սպիտակուց։ Ընդամենը մեկ բաժակ ոսպը պարունակում է 18 գրամ սպիտակուց, ուստի այն կարող է հիանալի փոխարինող միջոց լինել մսամթերքին։</p> <p><strong>Սև լոբի</strong></p> <p>Լոբին պարունակում է բավական շատ ածխաջրեր, սական դրանք տարբերվում են այն ածխաջրերից, որոնք մարդն ստանում է աղանդեր կամ որևէ թխուկ ուտելու դեպքում։ Բացի այդ, այս մթերքը հարուստ է նաև սպիտակուցներով։ Մի բաժին սև լոբին պարունակում է 15 գրամ սպիտակուց, ինչպես նաև օրգանիզմի համար շատ կարևոր լուծվող մանրաթելեր, որոնք օգնում են նվազեցնել &laquo;վատ&raquo; խոլեստերինի մակարդակը։</p> <p><strong>Սիսեռ</strong></p> <p>Մի բաժին սիսեռում ևս պարունակվում է 15 գրամ սպիտակուց։ Ընդ որում՝ այս մթերքի գործածության եղանակները բազմաթիվ են, ինչը թույլ է տալիս չձանձրանալ և պարբերաբար որևէ նոր ուտեստ պատրաստել։ Սիսեռը կարելի է կիրառել ինչպես խավարտ, կամ օգտագործել որպես չիպսերի կամ անգամ պաղպաղակի հումք։</p> <p>Աղբյուրը`&nbsp;medikforum.ru</p> <p>Կայքը` Generalnews.am</p> <p>&nbsp;</p> <p>&nbsp;</p> <p>&nbsp;</p> <p>&nbsp;&nbsp;&nbsp;</p> <p>&nbsp;</p>