Փորձագետը ցրում է ալկոհոլի մասին հայտնի առասպելները
Բրիտանացի սննդաբան Ռոբ Հոբսոնը ցրել է հասարակության մեջ ալկոհոլի մասին հայտնի միֆերը: Ալկոհոլային խմիչքների օգտագործման փորձագիտական խորհուրդը հրապարակել է Essex Magazine-ը։
Օրինակ, շատերը կարծում են, որ ոգելից խմիչքներ խառնելը ավելի արագ է արբեցնում և հաջորդ օրը հանգեցնում ավելի ուժեղ խումհարի։ Ըստ Հոբսոնի՝ դա այդպես չէ:
«Օրգանիզմն ի վիճակի չէ տարբերել մեկ բաժակ գինին մեկ գավաթ գարեջրից: Եթե խմիչքներ եք խառնում, ապա, հավանաբար, սովորականից շատ եք խմում, այստեղից էլ նման սարսափելի խումհարը»,- ասել է սննդաբանը։
Ալկոհոլի տարբեր տեսակների օգտագործման հերթականությունը նույնպես անտեղի է:
Ամերիկյան Clinical Nutrition ամսագրում հրապարակված ուսումնասիրությունը ցույց է տվել, որ ալկոհոլի օգտագործման ոչ տեսակը, ոչ էլ կարգը էապես չեն ազդում խումհարի հիմնական ախտանիշների ինտենսիվության վրա, ինչպիսիք են ծարավը, հոգնածությունը, գլխացավը, գլխապտույտը, սրտխառնոցը և որովայնի ցավը:
Ըստ Ռոբի՝ գիշերը ալկոհոլ օգտագործելուց հետո ընդունած ցավազրկողները ձեզ չեն փրկի առավոտյան խումհարից։
«Չնայած ցավազրկողները կարող են օգնել թեթևացնել գլխացավերը և մկանային ցավը, որոնք կապված են խումհարի հետ, դրանց ազդեցությունը անհետանում է մոտ չորս ժամից: Այսպիսով՝ իմաստ չունի դրանք խմել քնելուց առաջ», – ասում է փորձագետը:
Բացի այդ, Հոբսոնը հերքել է այն առասպելը, որ թունդ սուրճն օգնում է սթափվել: Այն իսկապես խթանում է նյարդային համակարգը և կարող է օգնել ազատվել հոգնածությունից, բայց չի մեծացնում ալկոհոլի հեռացման արագությունը մարմնից:
