«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p style="text-align: justify;">Նախադիաբետը ավելի վտանգավոր է, քան նախկինում կարծում էին՝ այն սրտանոթային համակարգի հիվանդությունների զարգացման, ինչպես նաեւ ցանկացած պատճառով մահվան ռիսկային գործոն է, ինչպես ցույց է տվել The BMJ- ում հրապարակված վերլուծությունը:</p> <p style="text-align: justify;">Նախադիաբետի մասին խոսում են, երբ մարդու արյան մեջ գլյուկոզայի մակարդակը բարձր է, սակայն ցուցանիշները բավարար չեն լիարժեք շաքարախտի ախտորոշման համար: Այս վիճակը վկայում է շաքարախտի զարգացման բարձր ռիսկի մասին: Գիտնականները նշում են, որ աշխարհում այս վիճակով առնվազն 470 միլիոն մարդ կա:</p> <p style="text-align: justify;">Medportal-ը հայտնում է, որ վերջին տարիներին բարձրացվել է նախադիաբետի ֆոնին սրտի հիվանդությունների հետ կապված ռիսկի հարցը, սակայն ուսումնասիրությունների արդյունքները հակասական են: Նոր վերլուծությունը համադրել է 129 գիտական աշխատություններ, որոնք ընդգրկում են մոտ 10 միլիոն մարդու: Այն կատարել են Չինաստանի Հարավային բժշկական համալսարանի (Southern Medical University) գիտնականները:</p> <p style="text-align: justify;">Հետազոտության արդյունքում պարզվել է, որ նախադիաբետը 13%-ով կապված է ցանկացած պատճառով մահվան ռիսկի աճի եւ 15%-ով 10 տարվա ընթացքում սրտանոթային հիվանդությունների հավանական աճի հետ: Այս ֆոնին ինֆարկտների եւ ինսուլտների ռիսկը մեծացել է: Այն մարդկանց մոտ, ովքեր արդեն տառապել են սրտի եւ անոթների հիվանդություններից, նախադիաբետը կապված է եղել մահվան ռիսկի 36% աճի հետ:</p> <p style="text-align: justify;">Գիտնականները նշում են, որ նախադիաբետի վաղ ախտորոշումը արդյունավետ բուժման լավ հնարավորություն է տալիս, որը կանխում է սրտանոթային հիվանդությունները:</p> <p style="text-align: justify;">&nbsp;</p> <p style="text-align: right;"><em>Աղբյուր`&nbsp;&nbsp;News.am</em></p>