Սահմանի դելիմիտացիայից հետո Ադրբեջանն ու Հայաստանը սկսել են դեմարկացիայի գործընթացը. Ալիևը՝ Բլինքենին
Ադրբեջանի նախագահ Իլհամ Ալիևն ու ԱՄՆ պետքարտուղար Էնթոնի Բլինքենը հեռախոսազրույց են ունեցել, որի ընթացքում Ալիևը նշել է, որ սահմանի դելիմիտացիայից հետո Ադրբեջանն ու Հայաստանը սկսել են դրա դեմարկացիայի գործընթացը: Այս մասին հայտնում Է ՏԱՍՍ-ը՝ հղում անելով Ադրբեջանի նախագահի մամուլի ծառայությանը։
՛՛Սահմանազատման վերաբերյալ պայմանավորվածությունները ձեռք են բերվել երկկողմ երկխոսության և փոխըմբռնման հիման վրա։ Նախագահը կարևոր քայլ է համարում, որ սահմանի դելիմիտացիայից հետո Ադրբեջանն ու Հայաստանը սկսել են սահմանագծման գործընթացը՛՛,- ասված է հաղորդագրության մեջ:
Մամուլի ծառայությունում ընդգծել են, որ Ադրբեջանի և Հայաստանի ԱԳ նախարարներն առաջիկայում կհանդիպեն Ալմաթիում՝ քննարկելու խաղաղ բանակցությունները:
Ալիևը նաև նշել է, որ Բաքուն աջակցում է Հարավային Կովկասում համագործակցության և ինտեգրման տարածաշրջանային մոդելին՝ ՛՛առանց որևէ բաժանարար գծերի՛՛:
