«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>ՀՀ նախագահի կողմից ստորագրության հրապարակման պահից հետո 24 ժամ անց ԱԺ նախագահը կարող է հրապարակել նաեւ ԱԺ կողմից պատգամավորների քվեարկության արդյունքները. դրանից հետո դարձյալ 24 ժամ անց քվեարկությունը կմտնի ուժի մեջ: Այս մասին, այսօր՝ հունիսի 24-ին, ԱԺ-ում լրագրողների հետ զրույցում նշեց &laquo;Իմ քայլը&raquo; խմբակցության ղեկավար Լիլիթ Մակունցը՝ անդրադառնալով սահմանադրական փոփոխություններին:</p> <p>Հարցին, թե իշխանություններն ունե՞ն ՍԴ դատավորների թեկնածուներ, որոնք կփոխարինեն հեռացողներին, Մակունցը պատասխանեց. &laquo;ՍԴ դատավորների թեկնածությունները պետք է ներկայացվեն կառավարության կողմից, ՀՀ նախագահի կողմից եւ դատավորների ընդհանուր ժողովի կողմից: Երբ իրենք կներկայացնեն, այդ ժամանակ էլ կքննարկենք: Դա &laquo;Իմ քայլը&raquo; խմբակցության տիրույթում չէ&raquo;;</p> <p>Հարցին, թե ի՞նչ է փոխվելու ՀՀ քաղաքացու կյանքում, երբ ՍԴ դատավորները փոխարինվեն եւ գան նորերը, նա պատասխանեց. &laquo;Մենք հայտարարել ենք, որ կորոնավիրուսի դեմ պայքարելով հանդերձ, մենք չենք դադարեցնելու մեր օրակարգում գտնվող հարցերը, որոնց մեջ մտնում է, իհարկե, դատաիրավական բարեփոխումների օրակարգը: Քանի որ ՍԴ-ի հետ կապված հարցը հանրաքվեով չէր կարող լուծվել, մենք հայտարարեցինք, որ շարունակելու ենք գտնել ուղիներ, եւ գտել ենք այս ուղին&raquo;:</p> <p>Մակունցը հավելեց, որ 2015 թվականին երբ ՀՀ քաղաքացին կայացրել է իր որոշումը հանրաքվեի արդյունքում ունենալ նոր Սահմանադրություն, դա ենթադրում է, որ սահմանադրական ինստիտուտները պետք է համապատասխանեն Սահմանադրությամբ սահմանված մոդելներին, եւ իշխանությունների պարտկանությունն է ապահովել դրա իրականացումը:</p> <p>&laquo;Այս քայլը միտված է հենց դրան: Իմ համոզմամբ ՍԴ-ն որպես դատական իշխանության կարեւորագույն կենտրոններից մեկը շատ մեծ ազդեցություն ունի առնվազն մթնոլորտի առումով ողջ դատական համակարգի վրա&raquo;:</p> <p>Նա ընդգծեց, որ իրենց գործողությունները որեւէ կերպ կապ չունեն ոչ գործող քրեական գործերի հետ, ոչ էլ իրավական որեւէ պրոցեսների միջամտության միտում ունեն:</p> <p>&nbsp;</p> <p>Աղբյուրը`&nbsp; News.am</p> <p>Կայքի խմբագիր` Աննա Հակոբյան, Generalnews.am</p>