ԱԺ-ն վաղը արտահերթ նիստ կանցկացնի՝ «Իմ քայլի» նախաձեռնությամբ
31/03/2021
Իշխանական պատգամավորների նախաձեռնությամբ՝ ապրիլի 1-ին Ազգային ժողովում արտահերթ նիստ կհրավիրվի։ Այս մասին տեղեկանում ենք Ազգային ժողովի պաշտոնական կայքում տեղադրված հայտարարությունից։
Նիստի օրակարգում ընդգրկված է «Հայաստանի Հանրապետության ընտրական օրենսգիրք սահմանադրական օրենքում փոփոխություններ և լրացումներ կատարելու մասին» օրենքի նախագիծը՝ առաջին և երկրորդ ընթերցմամբ։
Նախատեսվում է անցում կատարել ամբողջական համամասնական համակարգի, ինչպես նաև փոխել կուսակցությունների և դաշինքների՝ խորհրդարան անցնելու տոկոսային շեմը։
