«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Գույքահարկի փոփոխություններով առաջարկվող հարկման բազաները բարձր չեն, անշարժ գույքի շուկայական գները շարունակում են բարձր մնալ՝ գնահատված բազաների համեմատությամբ:&nbsp;</p> <p><a href="https://www.armenpress.am/"><strong>&laquo;Արմենպրես</strong></a><a href="https://www.armenpress.am/"><strong>&raquo;</strong></a><strong>-</strong>ի փոխանցմամբ՝այս մասին վստահեցրեց&nbsp;<strong>ՀՀ ֆինանսների փոխնախարար Արման Պողոսյանը</strong>՝ ԱԺ արտահերթ նիստում &nbsp;Հայաստանի Հանրապետության հարկային օրենսգրքում փոփոխություններ և լրացումներ կատարելու մասին օրենքի նախագծի քննարկմանը՝ պատասխանելով&nbsp;<strong>պատգամավոր Գոռ Գևորգյանի&nbsp;</strong>հարցին, թե արդյոք կադաստրային արժեքի որոշման հարցում կա՞ կոնկրետ մեթոդաբանություն, և այդ մեթոդաբանության արդյունքում գույքի շուկայական և կադաստրային գինը չե՞ն ունենա մեծ շեղումներ՝ հաշվի առնելով համավարակի առկայությունը և անշարժ գույքի շուկայում գների տատանողականությունը:</p> <p>&laquo;Կա գնահատման մեթոդաբանություն, որն ամրագրված է օրենքով, ընդունվել է անցյալ տարվա նոյեմբերին, ուժի մեջ է մտնելու հաջորդ տարվա հունվարի 1-ից: Եվ այդ գնահատման մեթոդաբանությամբ որոշված կանոններով հաշվարկված տվյալները, որոնք հիմնված են 2018-ի տվյալների վրա, մեզ հիմք են տալիս համոզմունք արտահայտելու առ այն, որ ստացված հարկման բազաներն առնվազն բարձր չեն, եթե չասեմ, որ շուկայական գները շարունակում են բարձր մնալ՝ գնահատված բազաների համեմատությամբ&raquo;,-&nbsp;ասաց Պողոսյանը:</p> <p>Գնահատումը կատարվել է 2018-ի տվյալներով: Փոխնախարարը նկատեց, որ դրան հաջորդող 15 ամսում (նկատի ունի 2018-ի սկզբից մինչև 2020 թվականի մարտը&shy;<em>հեղ.</em>), երբ համավարակային իրավիճակ ստեղծվեց, անշարժ գույքի գները շարունակաբար աճել են և ներկայումս էլ առանձնապես անկում չի դիտվում, պարզապես գործարքների թվաքանակի կրճատում է դիտվում: &laquo;Վերցված է նաև գնահատված արժեքների 80 տոկոսը, այսինքն՝ 20 տոկոսի շեղում, այդուհանանդերձ, թույլատրված է: Այդ առումով մտավախություն չունենք այս պահին&raquo;,-&nbsp;նշեց նա ու հավելեց՝ եթե լինի նման մտավախություն, իրենք կխնդրեն հնարավորություն ընձեռել ու արտահերթ վերագնահատման միջոցառում իրականացնել գույքային միավորների մասով:</p> <p>&nbsp;</p> <p>Աղբյուրը`&nbsp; Armenpress</p> <p>Կայքի խմբագիր` Աննա Հակոբյան, Generalnews.am</p>