Ադրբեջանում առկա հակահայկական ծայրահեղ ռասիզմը սնուցում է Թուրքիան. Մելքոնյան
<p style="text-align: justify;">Ռուբեն Մելքոնյանը Sputnik Արմենիայի եթերում անդրադարձել է հայ-ադրբեջանական կոնֆլիկտում Թուրքիայի ներգրաման հավանականությանը:</p> <p style="text-align: justify;">Թուրքագետ Ռուբեն Մելքոնյանը հայ-ադրբեջանական կոնֆլիկտում Թուրքիայի ներգրավման հարցը դիտարկում է երեք հարթությունում: Ըստ նրա՝ նախ՝ թուրքական ներգործությունը նկատելի է Ադրբեջանի կողմից հակահայկական ատելության թեժացման գործում, այսինքն՝ հակահայկական ծայրահեղ ռասիզմը, որն առկա է Ադրբեջանում, սնուցվում է նաև Թուրքիայի կողմից, ինչը կարելի է համարել ուղղակի կամ անուղղակի մասնակցություն այս կոնֆիլկտին:</p> <p style="text-align: justify;">«Երկրորդ՝ գաղտնիք չէ, որ թուրքական զինված ուժերը տարատեսակ մասնակցություն ունեն Ադրբեջանի բանակի վերապատրաստման, արդիականացման և այլ գործընթացներում: Արդեն շատ է խոսվում Նախիջևանում թուրքական զինուժի ներկայության մասին, ինչը նույնպես կարելի է համարել ուղղակի կամ անուղղակի մասնակցություն»,- <a href="https://armeniasputnik.am/" rel="noopener" target="_blank">Sputnik Արմենիայի</a> հետ զրույցում նշեց թուրքագետը:</p> <p style="text-align: justify;">Իսկ երրորդ հարթությունն, ըստ Մելքոնյանի, այն է, որ Թուրքիան լինելով անկանխատեսելի պետություն՝ արդեն քանիցս ապացուցել է, որ հարգանք չունի այլ երկրների տարածքային ամբողջականության նկատմամբ և առիթի ու հնարավորության դեպքում ոտնահարում է այդ նորմը: Մելքոնյանը վկայակոչում է մի քանի օրինակ՝ նշելով Սիրիայի նմատմամբ Թուրքիայի ոտնձգությունը, Կիպրոսի օկուպացիան, ներխուժումը Իրաք, ինչպես նաև ինտերվենցիան Լիբիայում: </p> <p style="text-align: justify;">«Այսքանից հետո հռետորական հարց է առաջանում՝ ի՞նչն է խանգարում Թուրքիային ներխուժել նաև <a href="https://armeniasputnik.am/armenia/" rel="noopener" target="_blank">Հայաստան,</a> այսինքն՝ թուրքական ծավալապաշտական քաղաքականության մեջ բնական է, որ Հայաստանի հանդեպ ատելության պարագայում Հայաստան ներխուժելու հավանականությունը միշտ էլ կա: Վերջերս հրապարակվեց ծրագիր, որ Թուրքիան ունեցել է գծված սխեմա <a href="https://armeniasputnik.am/armenia/" rel="noopener" target="_blank">Հայաստան</a> ներխուժելու հետ կապված, ինչն, ըստ էության, նորություն չէ մասնագետների համար, որովհետև Թուրքիան ամեն տարի պատրաստում է համապատասխան սցենար՝ հավանականության և հարմար առիթի դեպքում Հայաստան ներծուժելու համար»,- ընդգծեց Մելքոնյանը: <br /> Թուրքագետը հիշեցնում է, որ 1992-94 թվականներին Թուրքիան երկու անգամ գրեթե հասել էր այդ սահմանագծին, թուրքական զորքերը բերվել էին մարտական պատրաստավծության առաջին աստիճանի, բանակի հրամանատարները հայտարարում էին, որ պատրաստ են ներխուժել <a href="https://armeniasputnik.am/armenia/" rel="noopener" target="_blank">Հայաստան,</a> և միայն Ռուսաստանի անմիջական միջամտությամբ այդ ամենը կանխվեց:</p> <p style="text-align: justify;">Մելքոնյանի համոզմամբ՝ թուրքական սպառնալիքի ու հնարավոր ինտերվենցիայի դեմ միակ ազդեցիկ հակամիջոցը հայ-ռուսական ռազմաստրատեգիական համագործակցությունն է ու դրա խորացումը: </p> <p style="text-align: justify;">Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում․ ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ <a href="https://armeniasputnik.am/armenia/20200712/23701789/Hratap-adrbejancinery-UAZ-ov-pordzel-en-xaxtel-HH-petakan-sahmany.html" rel="noopener" target="_blank">ՀՀ պետական սահմանը խախտելու</a> փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:</p> <p style="text-align: justify;">Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։</p> <p style="text-align: justify;">Հուլիսի 17-ի պաշտոնական տվյալներով՝ Ադրբեջանն ունի 13 զոհ, իսկ հայկական կողմը` 4 զոհ, 36 վիրավոր, և ևս մեկ խաղաղ բնակիչ։</p> <p style="text-align: justify;">ՀՀ ՊՆ խոսնակ Շուշան Ստեփանյանն այսօր առավոտյան հայտնել էր, որ գիշերվա ընթացքում շփման գծում պահպանվել է հարաբերական անդորր։</p> <p style="text-align: justify;"><br /> </p> <p style="text-align: right;"><em>Աղբյուր` Armeniasputnik.am</em></p> <p style="text-align: right;"><em><button aria-hidden="true" aria-label="React" data-hover="tooltip" data-tooltip-alignh="center" data-tooltip-content="React" data-tooltip-position="above" tabindex="-1"></button></em></p>