Մեդինսկին խոսել է Ռուսաստանի և Ուկրաինայի միջև բանակցությունների ընթացքի մասին
Ռուսաստանի Դաշնության պատվիրակության ղեկավար, ՌԴ նախագահի օգնական Վլադիմիր Մեդինսկին խոսել է Մոսկվայի և Կիևի միջև բանակցությունների ընթացքի մասին։ Այս մասին հայտնում է РИА Новости-ն։
Նա հիշեցրել է, որ բանակցություններն այս ամբողջ շաբաթվա ընթացքում ընթացել են տեսակոնֆերանսի ռեժիմով և կշարունակվեն շաբաթ օրը՝ մարտի 26-ին։
«Նրանք անցնում են տեսակոնֆերանսի ռեժիմով փորձագիտական խմբերի միջև, շաբաթը երկու-երեք անգամ պատվիրակությունների ղեկավարների միջև, վերջին անգամ դա եղել է երեկ երեկոյան», - ասել է Մեդինսկին:
Նրա խոսքով` Ռուսաստանն ու Ուկրաինան քաղաքական հիմնական հարցերի շուրջ բանակցություններում իրականում «տեղում դոփում են», բայց նրանք մոտեցնում են իրենց դիրքորոշումները մանր հարցերի շուրջ։
Ավելի վաղ Ուկրաինայի նախագահ Վլադիմիր Զելենսկին, մեկնաբանելով ռուսական կողմի հետ բանակցությունները, ասել էր, որ եկել է Ուկրաինայի տարածքային ամբողջականությունը վերականգնելու ժամանակը։
