«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Բելառուսում անցած շաբաթվա վերջին տեղի ունեցած բողոքի ակցիաների ընթացքում ավելի քան 360 մարդ է ձերբակալվել: Այս մասին հունիսի 24-ին տեղեկացրել է բելառուսական իշխանությունների կողմից չգրանցված &laquo;Գարուն&raquo; իրավապաշտպան կենտրոնը, գրում է&nbsp;<a href="https://ria.ru/20200624/1573420633.html?fbclid=IwAR1Z0mgBW5xOt9Aqbnvmu4Ornp2QQcGeyrRL-VygUsQoP19BnYfgDK1GuT4" rel="nofollow" target="_blank">&laquo;ՌԻԱ Նովոստի&raquo;</a>&nbsp;գործակալությունը:</p> <p>&laquo;Կենտրոնի իրավապաշտպանների տվյալներով` ամբողջ երկրում հունիսի 18-21-ն անցկացված &laquo;Համերաշխության շղթա&raquo; ակցիաների ժամանակ, ինչպես նաև ակցիաներից առաջ և հետո, ձերբակալվել է ընդհանուր առմամբ 360-ից ավելի մարդ: Նրանցից ավելի քան 260-ը ձերբակալվել են Մինսկում&raquo;,-ասված է կենտրոնի հաղորդագրության մեջ:</p> <p>Իրավապաշտպանների տվյալներով` հունիսի 18-ին Մինսկում անցկացված առաջին ակցիայի ժամանակ ձերբակալություններ տեղի չեն ունեցել:</p> <p>&laquo;Դրանք են` Մինսկը` (ավելի քան 260 մարդ), Գոմելը (13), Բոբրույսկը` (12), Նովոպոլոցկը` (10), Գանցեվիչին`(10),&nbsp; Բորիսովը` (10), Նովոգրուդոկը` (9), Վիտեբսկը` (7), Մոգիլևը` (6 կամ ավելի), Բրեստը` (6), Ռեչիցան`(3), Վոլկովիսկը` (3), Մոլոդեչնոն` (3), Սոլիգորսկը` (2), Գրոդնոն` (2), Օրշան` (2), Սվետլոգորսկը` (1), Լիդան` (1), Սլուցկը` (ամենաքիչը 1): Բացի այդ, Սլոնիմում ակցիայի մասնակիցներին կանչել են ոստիկանական բաժանմունք` արձանագրություններ կազմելու&raquo;,-ասված է հաղորդագրության մեջ:</p> <p>Կենտրոնի&nbsp;տվյալներով՝ 9 մարդ դատապարտվել է ընդհանուր 105 օրվա ազատազրկման և ամենաքիչը 78 մարդ տուգանվել է ընդհանուր 50,5 հազար բելառուսական ռուբլիով (շուրջ 21,3 հազար դոլար):</p> <p>Բողոքի ակցիաները Բելառուսում անցկացվում են հաջակցություն նախագահական ընտրություններում ընդդիմադիր թեկնածուների, որոնց մի մասին բելառուսական իշխանությունները ձերբակալել են:</p> <p>Բելառուսում նախագահական ընտրությունները տեղի կունենան օգոստոսի իննին:</p> <p>&nbsp;</p> <p>Աղբյուրը՝ News.am</p> <p>Կայքի խմբագիր՝ Աննա Հակոբյան, Generalnews.am</p>