Օդի ջերմաստիճանը կբարձրանա, ապա կիջնի․ եղանակի տեսություն
<p>Օդերևութաբանների կանխատեսումներով՝ հանրապետության տարածքում առաջիկա օրերին տեղումներ չեն սպասվում։</p> <p>Հանրապետության տարածքում հուլիսի 20-ին սպասվում է առանց տեղումների եղանակ: Տեղեկությունը հայտնում է ՀՀ ԱԻՆ <a href="http://mes.am/hy/weather/item/2020/07/19/1240/" rel="noopener" target="_blank">«Հիդրոմետ»</a> ծառայությունը։</p> <p>Հուլիսի 21-ի կեսօրից հետո հյուսիսային շրջաններում, 22-24-ը ժամանակ առ ժամանակ շրջանների զգալի մասում սպասվում է անձրև և ամպրոպ, ամպրոպի ժամանակ` քամու ուժգնացում 20-25 մ/վ: Առանձին վայրերում սպասվում է նաև կարկուտ:</p> <p>ՀՀ ԱԻՆ-ը նաև զգուշացնում է, որ հուլիսի 20-21-ը Արարատի և Արմավիրի մարզերում, Արագածոտնի նախալեռներում, Սյունիքի հովիտներում և Երևանում սպասվում է անոմալ բարձր ջերմային ֆոն, ցերեկային ժամերին օդի ջերմաստիճանը կհասնի +39․․․+41 աստիճանի։ Նշված օրերին հանրապետության հովտային և նախալեռնային գոտիներում սպասվում է նաև բարձր կարգի հրդեհավտանգ իրավիճակ։ </p> <p>Օդի ջերմաստիճանը հուլիսի 19-20-ն աստիճանաբար կբարձրանա 3-5 աստիճանով, 22-23-ը կնվազի 8-10 աստիճանով:</p> <p>Երևան քաղաքում հուլիսի 20-21-ը սպասվում է առանց տեղումների եղանակ, 22-24-ը սպասվում է անձրև և ամպրոպ, ամպրոպի ժամանակ` քամու ուժգնացում՝ 17-20 մ/վ:</p> <p> </p> <p style="text-align: right;"><em>Աղբյուր` Armeniasputnik.am</em></p> <p style="text-align: right;"> </p>
_1664292936.png "Հյուսիսային Օսիայում՝ Վրաստանի հետ սահմանին, հնարավոր է արտակարգ ռեժիմ մտցվի")
