Տարածքային կառավարման եւ ենթակառուցվածքների նախարարությունը 2021 թ. ծախսել է շուրջ 201 մլրդ դրամ
03/06/2022
2021 թ. ՀՀ տարածքային կառավարման եւ ենթակառուցվածքների նախարարությունն իրականացրել է 22 ծրագիր՝ 160 միջոցառմամբ։ Այս մասին հունիսի 3-ին Ազգային ժողովում մշտական խորհրդարանական հանձնաժողովների համատեղ նիստին 2021 թ. պետական բյուջեի կատարողականի նախնական քննարկման ժամանակ հայտարարեց գերատեսչության ղեկավար Գնել Սանոսյանը:
Դրանց իրականացման համար, ինչպես նշեց նախարարը, կառավարությունը պետբյուջեից 243 մլրդ դրամ է հատկացրել:
«Ծախսային մասը մոտ 201 մլրդ դրամ է կազմել։ Ընդ որում, ենթավարկերը եղել են 42 մլրդ դրամի մակարդակում։ Կատարողականը՝ 94.5 տոկոս»,- ասաց նախարարը։