Դեմոկրատները վիրտուալ պաշտպանել են Բայդենի թեկնածությունը
Երկուշաբթի երեկոյան ԱՄՆ-ում մեկնարկել է Դեմոկրատական կուսակցության համագումարը։ Երկրում դեռ գործող կարանտինային միջոցառումների պատճառով համագումարը, որը պետք է կայանար Միլուոքի քաղաքի (Վիսքոնսին նահանգ) մարզադաշտում, ամբողջությամբ վիրտուալ է տեղի ունեցել․ քաղաքական գործիչներն ու պատվիրակները ընտրողներին են դիմել տեսակապով, իսկ Լոս-Անջելեսի հեռուստատաղավարում միայն հաղորդավարն է եղել՝ դերասանուհի Եվա Լոնգորիան։
Հեռարձակման ընթացքում քաղաքական գործիչների ելույթներին ժամանակ առ ժամանակ հաջորդել են հարցազրույցներ ընտրողների հետ և հայտնի երգիչների տեսահոլովակներ։
Նախագահի պաշտոնում Դեմոկրատական կուսակցության թեկնածուի անունը պաշտոնապես պետք է հայտարարվի համագումարի վերջին օրը՝ օգոստոսի 20-ին։ Այնուհանդերձ, հեռարձակման հենց առաջին րոպեներից «Բայդեն/Հարիս-2020» պաստառները երևացել են գրեթե բոլոր կադրերում, ԱՄՆ նախկին փոխնախագահի հինգ թոռները բացել են համագումարը՝ հավատարմության երդում տալով Միացյալ Նահանգներին, իսկ Ջո Բայդենն էլ անընդհատ ներկա է եղել էկրանի վրա։
Հասարակական կարծիքի հարցումների համաձայն՝ նախկին փոխնախագահը, առաջվա պես, Թրամփից առաջ է անցնում առանց բացառության բոլոր նահանգներում։
_1664292936.png "Հյուսիսային Օսիայում՝ Վրաստանի հետ սահմանին, հնարավոր է արտակարգ ռեժիմ մտցվի")
