Հինգշաբթի, Ապրիլի 15, 2021 Հետադարձ կապ

"ԶՈՐԱՎԱՐ ՍԵՊՈՒՀ" ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ


Նկար

Սպարապետ Վազգեն Սարգսյանի հիշատակին նվիրված միջոցառում՝ նրա հարազատ ծննդավայրում

05/03/2021 58

Այսօր՝ մարտի 5-ին, Հայաստանի Ազգային հերոս, Արցախի հերոս, Սպարապետ Վազգեն Սարգսյանը կդառնար 62 տարեկան: Սպարապետի ծննդյան տոնի առթիվ նրա հարազատ ծննդավայրում՝ Արարատ գյուղում՝ նրա տուն-թանգարանի բակում, տեղի է ունեցել Սպարապետի հիշատակին նվիրված միջոցառում՝ Արարատ քաղաքի Ղազարոս Սարյանի անվան միջնակարգ մասնագիտական արվեստի դպրոցի և Արարատ գյուղի թիվ 3 միջնակարգ դպրոցի սաների մասնակցությամբ:
 

Միջոցառմանը ներկա են եղել Արարատի մարզպետ Ռազմիկ Թևոնյանը, Սպարապետի եղբայր Արամ Սարգսյանն ու ընտանիքի այլ անդամներ ու հարազատներ, մարզպետի տեղակալներ Արտավազդ Նազարեթյանն ու Նորիկ Ամիրխանյանը, մարզպետարանի տարբեր վարչությունների ներկայացուցիչներ, ուժային կառույցների մարզային վարչությունների ղեկավարներ ու աշխատակիցներ, Երկրապահ կամավորականների միության (ԵԿՄ) անդամներ, ազատամարտիկներ, համայնքապետեր, կրթական ու մշակութային հաստատությունների ներկայացուցիչներ ու աշակերտներ, պատանի երկրապահներ, համայնքների բնակիչներ:
 

Միջոցառման մասնակիցները մարզպետ Ռազմիկ Թևոնյանի և Սպարապետի եղբոր՝ Արամ Սարգսյանի գլխավորությամբ ծաղիկներ են խոնարհել նրա տուն-թանգարանի բակում տեղադրված կիսանդրու առջև, այնուհետ՝ միջոցառման ավարտից հետո, շրջել նաև տուն-թանգարանում: