«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Սեյսմոլոգ Ֆրենկ Հուգերբիթսը, ով նախազգուշացրել է Թուրքիայում և Սիրիայում ավերիչ երկրաշարժի մասին, Solar System Geometry Survey (SSGEOS) YouTube ալիքում ասել է, որ մարտին նոր ցնցումներ կարող են հարվածել Հեռավոր Արևելքի ռուսական տարածքներին:
Ըստ հետազոտողի՝ մարտի 2-ին և 5-ին Երկրի, Մերկուրիի և Սատուրնի կրիտիկական երկրաչափության սերտաճման պատճառով, արդեն մարտի 3-4-ին կամ մարտի 6-7-ին, Երկիրը կարող է «մեգաերկրաշարժի» ենթարկվել։ 8,5 մագնիտուդով և ավելի բարձր ուժգնությամբ։ Գրում է ՌԻԱ Նովոստին։

«Մարտի առաջին շաբաթը շատ կարևոր է լինելու: Մենք կարող ենք տեսնել ուժեղ կամ շատ ուժեղ սեյսմիկ իրադարձություն: Սա մի բան է, որը բոլորին պետք է բարձր զգոնության մեջ դնի: Եթե դուք գտնվում եք սեյսմավտանգ գոտում, ձեզ միշտ անհրաժեշտ է սեյսմիկ իրավիճակի պլան: Անկախ կանխատեսումից՝ ձեզ երկրաշարժի պլան է պետք: Երբ գետինը սկսում է ցնցվել, դուք պետք է կարողանաք շատ արագ դուրս գալ տանից կամ շենքից: Սա կյանքեր կփրկի»,- բացատրել է գիտնականը: