Նախօրեին կալանավորված «Դիկի Արմանն» արտերկրից Ալմաթի էր ժամանել դեկտեմբերին
Նախօրեին ձերբակալված «Դիկի Արման» քրեական հեղինակությունը արտերկրից Ալմաթի էր ժամանել անցյալ տարվա դեկտեմբերին, «ՌԻԱ Նովոստի»-ին հայտնել են Ղազախստանի ՆԳՆ մամուլի ծառայությունից։
«Նախնական տվյալներով՝ նա արտասահմանից ժամանել էր անցյալ տարվա դեկտեմբերին եւ հունվարի 5-6-ի հայտնի իրադարձությունների ժամանակ եղել է Ալմաթի քաղաքում։ Ժամանման նպատակը եւ զենք-զինամթերքի առկայությունը կստուգվի օպերատիվ քննչական խմբի կողմից»,- հայտնել են գերատեսչությունից:
Ներքին գործերի նախարարությունը հիշեցրել է, որ Դիկի Արմանը ձերբակալվել է հունվարի 7-ին Ալմաթիում, նրա հետ կալանավորվել են նաեւ նրա խմբավորման հինգ անդամներ:
«Անձնական խուզարկության ժամանակ, ինչպես նաեւ զրահամեքենայում, որով տեղաշարժվել են Դիկի Արմանը եւ նրա հանցակիցները, առգրավվել է հրազեն՝ տարբեր տրամաչափի կիսաավտոմատ ատրճանակներ, դրանց համար նախատեսված զինամթերք, սառը զենք, գազային նռնակ եւ ռազմական զրահաբաճկոն»,- նշել են մամուլի ծառայությունում:
_1664292936.png "Հյուսիսային Օսիայում՝ Վրաստանի հետ սահմանին, հնարավոր է արտակարգ ռեժիմ մտցվի")
