Հնդկաստանում արձանագրվել է կորոնավիրուսով վարակման խոշորագույն 24-ժամյա ցուցանիշը
<p>Հնդկաստանում վերջին 24 ժամում արձանագրվել է կորոնավիրուսով վարակման 11 929 դեպք, որը համաճարակի բռնկման սկզբից ի վեր երկրում գրանցված խոշորագույն մեկօրյա ցուցանիշն է: <br /> <br /> Այս մասին հայտնում է <a href="https://edition.cnn.com/world/live-news/coronavirus-pandemic-06-14-20-intl/index.html" rel="nofollow" target="_blank">CNN</a>-ը՝ մեջբերելով երկրի առողջապահության նախարարության տվյալները: Ընդհանուր առմամբ, Հնդկաստանում մինչ օրս «Քովիդ-19»-ով վարակվել է 320 922 մարդ, որոնցից 9195-ը մահացել են:<br /> <br /> Վիրուսի հետևանքով ամենից շատ տուժած նահանգը երկրի արևմտյան շրջանում գտնվող Մահարաշտրան է, որտեղ վարակման 104 568 դեպք է արձանագրվել: Այնուհետև հաջորդում է Թամիլ Նադու նահանգը, որտեղ արձանագրված վարակման դեպքերը հասել ե 42 687-ի:<br /> <br /> Հնդկաստանի մայրաքաղաք Նյու Դելիում վարակման առնվազն 38 958 դեպք է գրանցվել:</p> <p> </p> <p> </p> <p>Նյութը՝ Tert.am</p>