Հունիսի 20-ին կկայանա Կիև-Երևան-Թեհրան հատուկ չվերթ
<p> Ուկրաինայում Իրանի դեսպանությունն ուկրաինական SkyUp ավիաընկերության հետ հունիսի 20-ին ժամը 15։10-ին Կիև-Երևան չարտերային չվերթ է կազմակերպում՝ Իրանի քաղաքացիներին Կիև-Երևան-Թեհրան երթուղիով տեղափոխելու համար։</p> <p><strong><a href="https://www.armenpress.am/">«Արմենպրես»</a>-</strong>ի հաղորդմամբ՝ այս մասին տեղեկացնում են Ուկրաինայում ՀՀ դեսպանությունից։</p> <p>«Ինքնաթիռում սահմանափակ քանակությամբ տեղեր կլինեն նաև Հայաստան վերադարձող ՀՀ քաղաքացիների համար։ Հայաստանում կարանտինային միջոցառումները պատշաճ կերպով ապահովելու նպատակով տոմսերը կվաճառվեն միայն ՀՀ դեսպանության հյուպատոսական բաժնի կողմից կազմած ցուցակների հիման վրա»,- նշում են դեսպանությունից։</p> <p>Տոմսի արժեքի, առկա նստատեղերի և գնման վայրի մասին տեղեկատվությունը կհրապարակվի լրացուցիչ։</p> <p><em>Հունիսի 20-ին </em><em>ուղևորների պահանջվող քանակի հավաքագրման դեպքում կ</em><em>կայանա նաև Կիև-Երևան-Կիև չարտերային թռիչք, որը կլինի արդեն 6-րդ հատուկ չվերթը։</em></p> <p><em>Մարտի 1-ից մինչև այժմ հայրենիք է վերադարձել մոտ 63 հազար ՀՀ քաղաքացի: </em></p> <p> </p> <p> </p> <p>Աղբյուրը` Armenpress, Լիլիթ Դեմուրյան</p> <p>Կայքը` Generalnews.am</p>