Ես չեմ ուզում արյուն և բռնություն․ Բելառուսի նախագահի թեկնածու Սվետլանա Տիխանովսկայան տեսանյութ է հրապարկել
Բելառուսի նախագահի արդեն նխակին թեկնածու Սվետլանա Տիխանովսկայան տեսանյութ է հրապարկել, որում կոչ է անում իր կողմնակիցներին դադարեցնել բողոքի ցույցերը:
Այս մասին գրում է Meduza-ն։
«Շնորհակալ եմ նախագահական ընտրություններին մասնակցելու համար: Բելառուսի ժողովուրդը կատարել է իր ընտրությունը: Երախտագիտությամբ և ջերմությամբ դիմում եմ բոլոր այն քաղաքացիներին, ովքեր այս ամբողջ ընթացքում աջակցել են ինձ»,- իր խոսքում նշում է Սվետլանա Տիխանովսկայան։
Նա նաև կոչ է արել քաղաքացիներին չգնալ հրապարակներ ու չվտանգել սեփական կյանքերը։ «Ես չեմ ուզում արյուն և բռնություն»,-նշել է նա:
Հիշեցնենք, որ Բելառուսում կայացած նախագահական ընտրությունների ժամանակ՝ ընտրատարածքների փակվելուց հետո, Միսնկում և Բելառուսի այլ քաղաքներում ցույցեր են սկսվել, մարդիկ համաձայն չեն հրապարակված թվերի հետ։ Ոստիկանությունը լուսաձայնային նռնակներ է կիրառել։
_1664292936.png "Հյուսիսային Օսիայում՝ Վրաստանի հետ սահմանին, հնարավոր է արտակարգ ռեժիմ մտցվի")
