Իսպանիան Բուլղարիա կուղարկի չորս կործանիչ եւ 130 զինծառայող
Իսպանիան Բուլղարիա կուղարկի չորս մարտական ինքնաթիռ եւ 130 զինծառայող Ուկրաինայի շուրջ լարվածության ֆոնին օդային տարածքի պարեկության խնդիրները կատարելու համար, հայտնել Է Բուլղարիայի պաշտպանության նախարարությունը, հաղորդում Է Reuters-ը։
Ակնկալվում է, որ առաջին իսպանական Eurofighter կործանիչները Բուլղարիայում վայրէջք կկատարեն շաբաթվա վերջին՝ Բուլղարիայի ՌՕՈՒ-ի հետ օդային տարածքը պաշտպանելու համար, մինչեւ մարտի վերջը:
«Առաքելությունն իրականացնում է արեւելյան թեւում ՆԱՏՕ-ի անդամ երկրների անվտանգության ապահովման միջոցառումները», - ասված Է պաշտպանության նախարարության հաղորդագրության մեջ։
Սպասվում է, որ ապրիլին եւ մայիսին Նիդեռլանդները Բուլղարիա կուղարկի երկու F-35 Ինքնաթիռ՝ օդային տարածքը պարեկելու համար։
2004 թվականից ի վեր ՆԱՏՕ-ի անդամ հանդիսացող Բուլղարիան պլանավորում է բուլղարական հրամանատարության ներքո եւ ՆԱՏՕ-ի հետ սերտ համագործակցությամբ մինչեւ 1000 զինծառայող ունեցող մարտական խումբ ստեղծել ․ խմբում նաեւ ընդգրկված կլինեն այլ միութենական երկրների զինվորներ։