«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Ֆրանսիայում բուլինգն ու ծաղրը պաշտոնապես կդառնան քրեորեն պատժելի հանցագործություններ, կհաղորդում է Le Figaro-ն:

Պարբերականի տվյալներով՝ պատասխանատվության կենթարկեն ինչպես աշակերտներին, այնպես էլ մանկավարժներին: Դպրոցական բուլինգի մեղավորներին կտուգանեն մինչեւ 45 հազար եվրոյի չափով: Նրանց նաեւ կսպառնա մինչեւ երեք տարվա ազատազրկում: Ընդ որում, եթե ապացուցվի, որ բուլինգի պատժառով տուժողը բացակայում էր դասերից, կալանքի ժամկետը կարող է հասնել մինչեւ ութ տարվա:

Le Figaro-ն գրում է, որ ուսումնական հաստատությունում ծաղրի հետեւանքով ինքնասպանության կամ դրա փորձի դեպքում տուգանքի չափը կհասնի մինչեւ 150 հազար եվրոյի, իսկ կալանավորման ժամկետը՝ մինչեւ 10 տարի: Համապատասխան օրենքը հաստատվել է Ֆրանսիայի խորհրդարանի ներքին պալատի կողմից, իսկ դրա շուրջ քվեարկությունը Սենատում կկայանա փետրվարին:

Մայիսի 11-ին հայտնի էր դարձել, որ Ֆրանսիայի կրթության նախարարությունն արգելել է դպրոցներին օգտագործել գենդերային չեզոք բառեր գրավոր խոսքում: Համարվել է, որ դրանք վնասակար են ֆրանսերենի համար եւ ամրապնդում են անգլերենի՝ որպես աշխարհում գերիշխող լեզվի կարգավիճակը: