«Նեմեսիսի» արձանի մասին վարչապետին չէի ասել. նախկին քաղաքապետ
10/05/2023
Երևանի նախկին քաղաքապետ, ՀՀ վարչապետի խորհրդական Հրաչյա Սարգսյանն այսօր լրագրողների հետ զրույցում անդրադարձավ Երևանում «Նեմեսիս» հուշակոթողի տեղադրմանը:
Լրագրողները հետաքրքրվեցին, թե արդյո՞ք տեղյակ է եղել, որ քաղաքում նմանատիպ արձան է տեղադրվելու և այդ մասին հայտնե՞լ է վարչապետ Նիկոլ Փաշինյանին.«Իհարկե, տեղյակ եմ եղել: Չէ, չեմ ասել վարչապետին: Կարծում եմ՝ «Նեմեսիսը» պատմական փաստ է և այն ինչ-որ ձևով արձանագրվել է: Հիմա Թուրքիայի կողմից կարող է ստիպեն մեզ մեր դասագրքերից էլ դա՞ հանել: Դա ուղղակի ծիծաղելի է»: