Անձը՝ 125 000 դոլար. ամերիկյան ընկերության ֆուտուրիստիկ օդապարիկը մարդկանց զբոսանքի կտանի տիեզերք
<p>Դեպի տիեզերք թռչելը նվիրական երազանք է բազմաթիվ հետաքրքրասերների համար, ուստի ամերիկյան նորաստեղծ Space Perspective ընկերությունը պատրաստվում է ջրածնի հիմքով աշխատող ֆուտուրիստիկ օդապարիկ ստեղծել ու դրանով մարդկանց տիեզերք ուղարկել:<br /> <br /> Ինչպես նշում է <a href="https://luxurylaunches.com/travel/this-futuristic-high-altitude-balloon-will-take-tourists-to-the-edge-of-space-for-125000.php?fbclid=IwAR3F7KxlXWWHRTt1pdr5rQU13eMl_6toucJPxi0DEt83gtEGQpqjDA34qIM" rel="nofollow" target="_blank">Luxury Launches</a> կայքը, օդապարիկը նախատեսված կլինի ութ ուղևորի համար: Ընդհանուր թռիչքը կտևի վեց ժամ. օդապարիկը կշարժվի ժամում տասնութ կմ արագությամբ:<br /> <br /> Աղբյուրը մանրամասնում է, որ թեև այն ուղևորներին մինչև տիեզերքի խորքերը չի հասցնի, սակայն բավականաչափ կբարձրանա, որպեսզի մարդիկ հայտնվեն տիեզերական խավարի մեջ ու վերևից տեսնեն Երկիր մոլորակը: Խոսքը մոտ 30,48 կմ բարձրության մասին է:<br /> <br /> Բացառիկ ուղևորության գինը մեկ անձի համար կլինի 125 000 դոլար: Նշվում է, որ տիեզերքից վերադառնալուց հետո օդապարիկը վայրէջք կկատարի ծովում, որտեղից էլ նավը ցամաք կտեղափոխի ուղևորներին:</p> <p> </p> <p>Աղբյուրը` Tert.am</p> <p>Կայքի խմբագիր` Աննա Հակոբյան, Generalnews.am</p> <p> </p> <p> </p>