ԱՆ-ն հորդորում է բնակչությանը, հատկապես հղիներին, COVID-19-ի նշանների ի հայտ գալու դեպքում չզբաղվել ինքնաբուժմամբ
16/04/2021
ՀՀ առողջապահության նախարարությունը հայտարարություն է տարածել, որում ասվում է․
«Վերջին շաբաթների ընթացքում COVID-19-ի հիվանդացության ցուցանիշների բարձրացմամբ և բուժօգնության ուշ դիմելու փաստերով պայմանավորված` առողջապահության նախարարությունը հորդորում է մեր բնակչությանը, հատկապես հղիներին, հիվանդության նշանների ի հայտ գալու դեպքում չզբաղվել ինքնաբուժմամբ:
Բուժումը հնարավորինս արագ կազմակերպելու, իսկ անհրաժեշտության դեպքում բժշկական կենտրոն ուղղորդելու նպատակով` անհրաժեշտ է անմիջապես դիմել հսկող բժշկին»:
