«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

ԱՄՆ ֆինանսների նախարարությունը «ուշադրությամբ վերահսկում է Ռուսաստանի հետ կապված պատժամիջոցները ոսկու օգտագործմամբ շրջանցելու ցանկացած ջանք», երեքշաբթի օրը Սենատի ֆինանսական հանձնաժողովի լսումների ժամանակ ասել է ֆինանսների նախարար Ջանեթ Յելենը։ Այս մասին հայտնում է BBC-ի ռուսական ծառայությունը։

Յելենը հաստատել է, որ ռուս գործընկերների հետ ոսկու գործարքները նույնպես ենթակա են ԱՄՆ նախագահ Ջո Բայդենի գործադիր հրամաններին, որոնք պատժամիջոցներ են սահմանում Ռուսաստանի դեմ. Մարտի 24-ին ԱՄՆ ֆինանսների նախարարությունը պարզաբանել էր, որ, մասնավորապես, պատժամիջոցների տակ կհայտնվեն ՌԴ Կենտրոնական բանկից, Ազգային հարստության հիմնադրամից և ֆինանսների նախարարությունից ոսկու գնումները։

Պատերազմի սկզբնական օրերին արևմտյան երկրները սառեցրեցին արևմտյան բանկերում և արևմտյան արժույթներով պահվող ռուսական պահուստները՝ հիմնականում դոլարով և եվրոյով: Դա ազդել է Ռուսաստանի նախապատերազմյան ոսկեարժութային պահուստների մոտ կեսի վրա՝ մոտ 300 մլրդ դոլար: Մնացածը պահվել է ոսկու կամ չինական յուանի տեսքով, պաշարների այս մասը դեռ հասանելի է ռուսական պետությանը, սակայն իրացվելիությունը սահմանափակ է։